Stjórnun

Ritstjórn
Stjórnun

* Góður stjórnandi lýsir mikilvægum stöðlum og gildum og sýnir þessi atriði í verki.
* Góður stjórnandi sýnir persónulegan áhuga á fylgismanni sínum.

* Góðir ritstjórar reyna að búa til góðan fjölmiðil.
* Miklir ritstjórar reyna að búa til góða starfsmenn, sem búa til góðan fjölmiðil.

Ert þú á réttu róli?
* Ertu viss um langtíma og skammtíma vaxtarmarkmið þín?
* Er auðvelt fyrir starfsmenn að fá að ræða við þig um mál, sem þeir hafa áhuga á?

* Hvað er mikið af samræðum um þig, um fyrirtækið, um starfsmanninn?
* Ertu líklegri til að tala eða hlusta í samræðum? Að spyrja eða gefa yfirlýsingar?

* Hversu vel heldurðu utan um sigra starfsmanna, vinnu, sem sýnir sérstakt framtak og hæfni?
* Hvernig heldurðu utan um mistök þeirra? Gerirðu greinarmun á áhættu og ábyrgðarleysi? Tekurðu tillit til góðrar meiningar?

* Ertu einlægur í viðbrögðum? Segirðu sannleikann, þegar aðrir fara undan í flæmingi? Biður þú um framfarir og tekurðu eftir þeim, ef þær verða?
* Biðst þú afsökunar persónlega eða opinbert eftir aðstæðum?

* Hvað veistu um líf starfsmanna utan vinnu? Um fjölskylduna, áhugamál?
* Þegar starfsmenn eiga tímamót eða lenda í sorg, kemur þú þá óboðinn til að sýna stuðning?
Forusta er persónuleg.

Góður stjórnandi:
* Ræður forvitið, áhugasamt fólk.
* Fer út úr skrifstofu sinni.
* Heldur sambandi utan vinnu.
* Tekur þátt í lífi starfsfólksins.
* Gleymir ekki að þakka gott verk
* Býr til andrúmsloft viðbragða án ótta um refsingu.

Vondur stjórnandi:
* Er ekki í sambandi.
* Tekur ekki á erfiðu fólki.
* Veitir ekki verkefni, sem gera fólki kleift að vaxa.
* Stundar ekki þjálfun.
* Virðir ekki sérþekkingu fólks.
* Segir ekki fólki, hvernig gengur

Þægileg umgengni felst í litlum og að því er virðist lítilvægum orðaskiptum utan verkefna. Þau opna glugga og bæta andrúmið. Það er ekki nóg að segja: Ég þarf að fá þetta klukkan fimm. Hraði og spenna einkenna ritstjórnir og þar þarf því stundum að létta tón.

Afkastafólk hefur áhuga á starfi, lætur hvetja sig til gæða og framleiðir mikið efni. Taktu eftir því.
* Flýttu fyrir framabraut þess. Talaðu við það og hlustaðu á það.
* Fylgstu með afrekum afkastafólks og launaðu framlag þess.

* Sýndu viðbrögð við styrk og veikleika afkastafólks. Hrósaðu sértækt og gagnrýndu sértækt. Á því sértæka lærir fólk.
*Passaðu að það ofgeri sér ekki.
* Hvettu afkastafólk til að taka að sér verkefni utan starfs og í samstarfi innan fyrirtækisins.

Hrósaðu ekki með almennum orðum eins og “fínt”. Útskýrðu frekar, hvað var svona gott. Fólk vill fá sértækt lof og það vill líka fá sértæka gagnrýni. Hvað var gott/vont, hvernig, hvers vegna og hvað svo.

Fáir eru óhæfir í rauninni. Þeir hafa flestir bara ekki fengið rétta meðferð. Erfitt er að segja fólki, að verk þess sé ekki nothæft, en þú verður að gera það. Fylgstu með hinum illa hæfa og athugaðu, hvort hann hafi jákvæðar hliðar til að rækta.

Jafnvægið milli lífs og starfs er viðkvæmt, en eigi að síður kleift. Hafðu áhuga á öllu lífi fólksins, sem þú starfar með og sem starfar fyrir þig. Þú verður betri leiðtogi, ef þú finnur rétta jafnvægið.

Sumir hugsa í neti og aðrir hugsa í skrefum, línulega. Það tekur meiri tíma að hugsa í neti og það getur pirrað yfirmenn. En línulaga hugsun getur líka misst af mikilvægum þætti. Yfirmenn verða að þekkja muninn á fólki, sem hugsar á neti og á línu.

Algengt er, að konur hugsi á neti og þrífist ekki undir stjórn, sem hugsar á línu. Það er ein af stóru ástæðum fyrir því, að konur haldast ekki lengi í starfi. Samt er nethugsun oft betri en línuhugsun.

Ástand, sem veldur óánægju kvenna í starfi, lýsir sér þannig:
* Slæm samskipti við yfirmenn.
* Of lág laun.
* Karllægar skilgreiningar fréttastofunnar á því, hvað séu fréttir.

Til athugunar fyrir yfirmenn:
* Hvað veistu um væntingar starfsmanna?
* Skilurðu eitthvað af þér eftir fyrir utan dyr, þegar þú kemur?
* Skilurðu möguleikana, sem fylgja misjöfnum aðferðum starfsmanna, neti eða línu?

Horfðu yfir fréttastofuna. Vantar þar fjölbreytni? Eru konur þar eða minnihlutahópar? Mun nýliðum líða vel þar? Endurspeglar ritstjórnin fjölbreytni samfélagsins. Mun hún hjálpa til, þegar þú ræður nýliða, sem eru aðeins til “í einu eintaki”.

Hvernig fer um homma og lesbíur á ritstjórninni? Nýtur fólkið sannmælis og jafnréttis? Hvernig orð eru notuð á ritstjórn? Hvað telst vera fyndni þar? Láttu alla vita, að þú metir fjölbreytni. Hafðu samráð við hagsmunaaðila. Gefðu kost á þjálfun í umgengni.

* Stjórn á skrifstofu er list.
* Vertu viss um smáatriðin.
* Hreinsaðu misskilning strax.
* Sjáðu fyrir þarfirnar.
* Segðu frá því skemmtilega.
* Láttu ekki misskilja þig.
* Segðu vondu og góðu fréttirnar.
* Haltu tímaáætlun.
* Spurðu.

Það fer í taugarnar á mörgum, sem þurfa að annast fullt af starfsfólki að þurfa líka að verja tíma daglega í yfirmann sinn. En það samband er afar mikilvægt.

* Áttaðu þig á vinnudegi hans.
* Talaðu þannig, að hann skilji.
* Vertu viss um markmið hans.
* Gættu vel hagsmuna ritstjórnar.
* Byggðu upp traust.
* Sjáðu fyrir þarfir hans.
* Vertu jákvætt ósammála.
* Passaðu upp á fjárveitingarnar.

Hluti af starfi yfirmanns er að vera fyrirmynd, meistarinn.
* Hann hjálpar fólki, þjálfar það.
* Hann gefur sér tíma fyrir fólk.
* Hann hlustar og hlustar.
* Hann er heiðarlegur.
* Hann ræðir málin.
* Hann boðar váleg tíðindi.

* Ertu tilbúinn að hætta að vera leikmaður, jafnvel stjörnuleikmaður og verða þjálfari?
* Líður þér eins vel með vald stjórnunartitils og þér leið sem viðurkenndum starfsmanni?
* Hefurðu áhuga á stóru línunum, allri starfsemi fréttastofnunarinnar?

* Sérð þú fyrir þér að hafa mesta ánægju af velgengni annarra?
* Nærðu góðu sambandi við fólk og ertu fús að veita viðbrögð?
* Hefurðu metnað og markmið um, hvernig hópurinn batni?
* Mundir þú njóta þess að byggja upp andrúmsloft á ritstjórninni?

* Ertu reiðubúinn að kanna, hvort skipulagið styður andrúmsloftið?
* Ertu reiðubúinn að stýra mannauði stofnunarinnar?
* Ertu trausts verður, þekktur fyrir að láta gerðir tala?
* Hefurðu orku í langan vinnudag og mikið taugastríð?

* Sérð þú fyrir þér að geta byggt upp jafnvægi milli starfs og lífs?
* Ertu tilbúinn að sætta þig við, að ekki öllum líki ákvarðanirnar?
* Hefurðu áhuga á að hlusta á fólk og bregðast við þörfum þess?
* Þykir þér vænt um samfélagið?
* Viltu bæta blaðamennsku?

* Skipandinn.
* Foreldrið.
* Liðsstjórinn.
* Þjálfarinn.
* Sérfræðingurinn.
* Vinur allra.
* Fjarstýrandinn.

Skipandinn:
* Trúir á valdið og skipuritið.
* Velur eða velur ekki samstarf.
* Ver ritstjórnina fyrir áreiti.
* Er góður undir þrýstingi.
* Veit, hvar ábyrgðin er.
* Getur framkallað ótta.

Foreldrið:
* Trúir á foreldravaldið.
* Lítur á starfslið sem unglinga.
* Dreifir ábyrgð til að kenna.
* Hefur áhuga á persónu fólks.
* Talar betur en hann hlustar.
* Gagnrýnir fyrir opnum tjöldum.
* Finnur til ábyrgðar á fólki.

Liðsstjórinn:
* Trúir á liðsheildina.
* Vill þroska fólk sem keppnislið.
* Hvetur til samstarfs.
* Rammar lof í heildarmyndinni.
* Áætlar og fylgist með, hlustar.
* Horfir á ferlið eins og vöruna.
* Yfirmáta bjartsýnn á gengi liðs.

Þjálfarinn:
* Vill liðsheild og einstaklinga.
* Þekkir plúsa og mínusa allra.
* Talar mikið við starfsmenn.
* Er þekktur sem góður hlustandi.
* Svarar með leiðandi spurningu.
* Pirrar þá, sem vilja skjót svör.
* Reynir að lyfta þeim lélegu.

Sérfræðingurinn.
* Telur sig vera sérfræðing.
* Heldur áfram á gólfinu.
* Vanrækir stjórnun.
* Kallaður til vegna sérþekkingar.
* Þarf að læra að þjálfa aðra.
* Þarf að fresta álitsgjöf.

Vinur allra:
* Telur, að allir eigi að vera vinir.
* Vill njóta virðingar og vináttu.
* Fer framhjá skipuritinu.
* Stundar félagslíf með fólkinu.
* Framkallar mikla tryggð fólks.
* Fær ekki að heyra sannleikann.
* Tekur sjálfur að sér uppvaskið.

Fjarstýrandinn:
* Lokar sig af.
* Gott samband við næstu þrep.
* Vill skrifleg samskipti.
* Gefur skriflegt mat.
* Lítur á sig sem herfræðing.
* Er vel skipulagður.
* Dreifir völdum niður á við.

Spurðu þessara spurninga:
* Hvað er mikilvægast?
* Hvað nota ég mikinn tíma í það?
* Hverju þarf ég að koma á aðra?
* Hverjir geta bætt á sig aukinni ábyrgð?

Sjá nánar:
Poynter Institute Series: Leadership: Personal & Powerful, 2003
Poynter Institute: Essential Skills & Values, 2002

Fair Use © Jónas Kristjánsson, 2008

Hlé