Þegar fornleifar og sagnfræði og matreiðsla eru frátalin, er ekkert að finna á níutíu rásum Digital, sem spanna bíómyndir og teikniseríur og einkum boltaíþróttir yfir í helztu rásir nokkurra landa í Evrópu. Tölvan mín tekur fréttarásum CNN og BBC langt fram í hraða og gæðum. Ég nenni alls ekki að horfa á þessar samfelldu fréttarásir, sem endurtaka sömu fréttir í tímafrekri síbylju. Miklu betra, fljótlegra og hraðara er að hafa news.google uppi á skjánum og láta hana endurnýja sig á tíu mínútna fresti. Raunar er ég hættur að horfa á sjónvarp, hlusta bara með öðru eyranu úr öðru herbergi. Ég aðlagast.
