Sjötíu þúsund Íslendingar féllu á prófinu. Baulað var á fulltrúa þeirra í Evróvisjón. Silvía Nótt var firnavond landkynning. Útlendingar neita að láta hafa sig að fífli, þótt 70.000 Íslendingar hafi gert það. Dónaskapur þarf að hafa innihald til að vera marktækur, hæðast til dæmis að Evróvisjón eða París Hilton eða fjallkonunni. Dónaskapur Silvíu gerði það ekki, var stirður og máttlaus eins og bauluð sýningin. Svo notað sé hugtak ímyndarfræðinga og almannatengla, þá selur Silvía Nótt ekki. Nema í fásinninu.
