Hótel Loftleiðir fær lága einkunn á TripAdvisor. Herbergin sögð gömul og léleg, maturinn í veitingasalnum óætur. Verri umsögn fá sum lítil hótel. Eigandi Hotel Atlantis á Grensásvegi sagður ruddalegur í orðbragði og umgengni, húsnæði í lamasessi, skelfileg lífsreynsla segir einn. Næstverst var sagt gistiheimilið Adam á Skólavörðustíg. Eigandinn sagður hræðilegur, með gistingu í útikofa, hafi aðeins áhuga á að hrifsa peninga. Einn sagði það versta hótel ævi sinnar. Turninn TopCityLine Grand í Sigtúni fékk langversta einkunn, skelfilega lýsingu á framkvæmdum, sóðaskap og vanhæfni.
