Barack Obama er skósveinn hinna ofsaríku, sem borga kosningaslagi. Þeir dá hann mest allra, því að þeir vita, að hann mun gæta vel hagsmuna þeirra. Hann er fullur af innantómu orðskrúði, sem fer vel í kjósendur. Án efa mesti lýðskrumari heims um þessar mundir. Í samanburði við hann er Hillary Clinton sæmilega ábyrg stjórnmálakona og John McCain sjálfstæður gagnvart auðvaldinu, sem hatar hann. Gallinn við McCain er hins vegar stríðsást hans. Og gallinn við Clinton er, að hún hefur lengst af stutt Íraksstríðið. Obama var andvígur því frá fyrsta degi, en það er líka eini kostur hans.
