Var að lesa nýja bók Chalmers Johnson, Refsinornina, Nemesis. Lokabindi þríleiks, sem hófst með Bakslagi og Sorgum heimsveldis. Þær fjalla um hnignun og hrun bandaríska heimsveldisins. Hvernig Bandaríkin breytast í hernaðar- og hryðjuverkaríki, sem einangrast í umheiminum. Mun hljóta sömu örlög og rómverska heimsveldið. Johnson spáir efnahagshruni Bandaríkjanna. Hann telur líklegt, að það leiði til valdatöku stórfyrirtækja, hersins og CIA. Hann rekur í smáatriðum einstök atriði í nútímasögu þeirra. Og hvernig stjórnarskráin hefur verið tætt að undanförnu. Ég svitnaði af lestrinum.
