Get vel hugsað mér að kjósa nýja stjórnmálaflokkinn, sem segist vera grænn og alþjóðasinnaður. Vonandi kemur nánar í ljós, við hvað er átt. Skoðun mín á flokknum mun svo temprast af trú eða vantrú minni á, að frambjóðendur flokksins standi við stefnuna. Reynslan af Besta flokknum bendir ekki til slíks. Svo vil ég vita, hverning flokkurinn hyggst afgreiða auðlindir hafsins. Ekki sakar að frétta af viðhorfum flokksins til bankaleyndar og annarra aðferða glæpamanna við að koma þjóðum á hausinn. Verður flokkurinn með eitthvað sérstakt þar í huga? Mættum við sem fyrst fá meira að vita.
