Prófessor í lögfræði úrskurðaði, að vont sé, að fjármálaráðherra líði illa. Það sé nánast frekja í þjóðinni að vera með þau ómögulegheit að vilja láta hann hlýða. Þótt de Gaulle gerði það, þegar hann tapaði þjóðaratkvæði. EGILL Helgason hefur bent á þann möguleika, að þjóðin segi bara af sér. Einhver þarf að segja af sér og Bjarni vill það auðvitað ekki. Fólk getur sagt sig frá stofnunum ríkisins, þar á meðal skattstofum. Stofnar bara eigin Kristjaníu fyrir sig og sína. Svo getur þjóðin hópast saman í stærri kristjaníur til að sinna sameiginlegum þörfum. Úr því að Bjarni er svona verklaus, því að honum líður svo ómögulega við að þurfa að gera eins og de Gaulle.
