Jóhann Hauksson minnir í DV helgarinnar á tilraun Sjálfstæðisflokksins til að sýna Jón Ásgeir Jóhannesson í handjárnum. Ríkislögreglustjóri fór með fríðu föruneyti og sjónvarpsliði til Keflavíkurvallar til að handtaka Jón á minnisstæðan hátt. Jón lenti hins vegar í Reykjavík og slapp undan aðgerð Haraldar Johannessen. Aðgerðin var runnin undan rifjum Davíðs Oddssonar forsætis. Síðan hafa Baugsfeðgar ævinlega kysst á bláa hönd kvalara sinna. Jóhannes Jónsson skreið meira að segja lágt í heilsíðu blaðaauglýsingu fyrir síðustu kosningar. Hann hvatti fólk beinlínis til að kjósa Flokkinn.
