Bófaflokkur Jóns Ásgeirs Jóhannessonar fer með rangt mál, þegar hann segist verja erlendar eignir sínar. Bófarnir eru að verja þýfið, sem þeir höfðu af fólki, þar á meðal Íslendingum. Beita öllum tiltækum lagakrókum í New York til að hindra lögmæta eigendur í að endurheimta féð. Furðulegt er, að þessi bófaflokkur skuli enn ganga laus, þótt hann hafi stolið hundruðum milljarða. Allir sjö ættu að vera komnir í ævilangt fangelsi, ef hér væri eitthvað, sem minnti á réttarríki. Til að hindra framgang réttlætis hefur bófaflokkurinn ráðið sér fjölmenna sveit orðhengla-fróðra lagatækna að hætti Brennu-Njáls.
