New York Times segir í leiðara, að innanlandsstefna George W. Bush sé stórslys, eitt allsherjar járnbrautarslys. Stórfelldur hallarekstur ríkissjóðs og fyrirhugaðar skattalækkanir hans í þágu hinna allra ríkustu geri honum kleift að halda fram, að ekki séu til peningar í ríkissjóði til umhverfisverndar, heilsuverndar, menntamála og húsnæðismála. Blaðið nefnir fjölmörg önnur dæmi um, að Bush sé óvenjulega skelfilegur forseti, sem muni verða þjóðinni dýrkeyptur.
