Forsætisráðherra segir í sjónvarpinu, að fjölskyldur og heimili geti fundið STRAX fyrir lofaðri skuldaleiðréttingu: „Vegna þess að þau geta út frá þeim upplýsingum, sem lagðar hafa verið fram, skýrslu sérfræðihópsins, áætlað af talsverðri nákvæmni, hver leiðréttingin verður. Þegar hún er svo komin inn á yfirlitið hjá fólki nú þá væntanlega hefur það ýmis jákvæð efnahagsleg áhrif í för með sér, en þó ekki þau neikvæðu áhrif sem ýmsir óttuðust – til dæmis að menn myndu nýta tækifærið til þess að skuldsetja sig aftur og meira.“ Svo má skilja þessa nýju steypu hans, að vont sé, að fólk fái peninga, það eyði þeim bara.
