Davíð Smári Helenarson hefur í þrjú ár verið mesti góðkunningi löggunnar. Hann hefur vaðið um Reykjavík og lamið menn. Í seinni tíð einkum þá, sem eru góðir í fótbolta. Nú síðast fótbraut hann og liðbandasleit mann á salerni Apóteksins. Þess á milli hefur hann gortað af afrekum sínum í sjónvarpi. Löggan er meðvitundarlaus í málum hans, enda er hún dauðhrædd. Hún er svo hrædd, að hún þorir ekki að kæra, þegar hún sjálf er barin. Vill ekki baka sér eftirmál. Hún er ekki til annars nýt en að draga heiðarlega ritstjóra fyrir dómara, þegar þeir segja satt. Skipta þarf um lögguna.
