Fólk er að byrja að sjá ljósið víða í Evrópu. Grikkir gáfust upp á þjóðníðingum og byrja í dag með hreint borð. Veltu um borðum víxlaranna, ráku út þjóna bófa og bankstera. Grikkir neita einfaldlega að borga. Voru ekki svo firrtir að fela ígildi Framsóknar að framkvæma frelsun sína. Þeir fengu nýtt fólk, en ekkert Kögunarbarn. Spánverjar eru að undirbúa svipaða valdatöku almennings síðar á árinu. Í kjölfar þessa verður vonandi strikuð út brauðmola-hagspekin, sem hefur tröllriðið vestrænum ríkjum. Stöðvaður dauðadans Evrópusambandsins að Davos-bandalagi við alþjóðlegra auðhringa. Kaflaskil urðu í gær í Evrópusögunni.
