Ísland fékk ekki að vera með Norðurlöndunum í samstarfi seðlabanka með Bandaríkjunum. Þá áttaði fólk sig loksins á, að ástandið var alvarlegt. Því hefur aukizt örvæntingin í óskum fólks um aðgerðir í fjármálum. Það hefur misst traust á Seðlabankanum og skilur ekki, að Geir spóki sig í útlöndum. Þetta sést greinilega í breyttu bloggi fólks. Hins vegar munu hvorki Geir né Davíð gera neitt í málinu. Þeir og ráðgjafar þeirra trúa úreltri tilgátu í hagfræði um, að stjórnvöld eigi að passa á sér puttana. Hin sjálfvirku lögmál markaðarins muni fá sólina til að rísa að nýju eftir nokkur ár.
