Dæmið sannar, að Anton Traustason í Cheap Jeeps getur stórskaðað fólk, sem tók ótryggðra bíla á leigu hjá honum. Lendi það í tjóni, getur skaðinn numið hundruðum þúsunda eða milljónum. Viðtal sjónvarpsins við Anton svarar fáu. Margir bílar virðast ekki hafa verið skoðaðir og eru réttlausir í útleigu. Lögreglan fann ekki þessa bíla og ekki fást svör við, hvort þeir séu enn í útleigu. Anton Traustason getur ekki útilokað það og getur ekki sýnt týndu bílana. Þetta er gott dæmi um, að þenslan í ferðaþjónustu hefur dregið þar á sjó hvern sótraftinn á fætur öðrum. Málið er að svindla sem allra mest.
