Ögmundur Jónasson borðaklippir ætti að vera biskup, upphafinn dýrlingur í sjónvarpi. Þess á milli ræður hann pólitískt kvígildi sem skrifstofustjóra hjá ríkinu. Og hafnar þjóðaratkvæðagreiðslum og persónukjöri. Sami rassinn undir honum og öðrum pólitíkusum. Inn á milli gælir hann við ofstæki, sakar Þýzkaland um útþenslustefnu nazista. Þeir borgi með glerperlum og spritti fyrir Lebensraum. Enda segir reynslan okkur, að helgislepja er gagnlegur dulbúningur, þegar ruglað er um of. Spurður um réttlæti fyrir nýbúa segir hinn dýrlegi biskup og borðaklippir, að hann geti ekki talað um einstök mál.
