Efnahagslega er endurreisn Íslands að lukkast undir forustu Steingríms J. Sigfússonar. Þótt hann geri margt rangt. Ríkið hefur axlað ofurskuldir banka án þess að skerða velferð að ráði. Við búum við atvinnulíf, sem keyrir á 95% dampi, sem er frábær útkoma. Hálf þjóðin hefur það flott, ég sannfærðist um það í ráfi um verzlanir. Atvinnuleysi er minna en víðast annars staðar, enda getur fólk flúið land til góðrar vinnu í Noregi. Verðbólga er nánast horfin. Nú vantar okkur bara að losna við krónuna, sem veldur gjaldeyrishöftum. En það má Steingrímur ekki heyra, né heldur, að nýju bankarnir verði siðvæddir.
