Samkvæmt nýrri könnun stafar hátt matarverð hér á landi einkum af háu verði á einokunarvörum landbúnaðarins, kjöti og mjólkurvörum, osti og eggjum. Næststærsta ástæðan er hár tollur og vörugjald. Hvort tveggja kemur engum á óvart, enda er þetta í hundraðasta sinn, sem sama útkoman kemur. Óþarfi er að tala um þetta undir rós. Það er stjórnvaldsákvörðun, að matur er tvöfalt dýrari hér á landi en hann þarf að vera. Ég hef vitað það í hálfa öld.
