Hælisleitendum má ekki safna í blokkir suður með sjó. Útlendingastofnun er fjölmenn, hefur ekkert þarfara að gera en að taka mál þeirra fyrir. Strax við komuna. Ekki nokkrum árum síðar. Ef erfitt er að fá upplýsingar frá útlöndum, þarf að bæta flæðið, senda daglega svarkröfur í tölvupósti. Ég held, að starfsfólkið hangi að mestu í vinnunni. Nú þarf að taka til hendinni. Setja markmið um, að mál fimmtíu hælisleitenda verði afgreidd í viku hverri. Unz biðlistinn er tæmdur. Í sumum tilvikum þarf að komast að niðurstöðu á grundvelli of lítilla upplýsinga. Þá verður bara að hafa það.
