Hér hafa um skeið fengizt ágætar döðlur frá Íran í ýmsum pakkningum. Eins og þær, sem seldar eru þar eystra. Einnig fást hér gullnar rúsínur frá Chile og gráfíkjur frá Spáni. Allt fyrirtaks vörur á sanngjörnu verði. Ég skil því ekki, af hverju pistasíur eru svona daufar hér. Kom heim með glás af pistasíum frá Íran og þær bragðast enn sem glænýjar. Slík vara getur því ekki verið erfið í flutningi. Auglýsi því eftir innflytjanda, sem vill bregðast við áunninni fíkn minni. Þar eystra fást líka grænar rúsínur, sem eru frábærar og hljóta að vera auðveldar í flutningi. Tyrkneskar súltönur eru líka bragðgóðar. Hér er bisness!
