Fagnaðarfundir verða, þegar Obama hittir Sigmund Davíð í boði hjá Reinfeldt og fréttir, að enskan hans sé bara fín. SDG getur deilt reynslu sinni af að lofa einu fyrir kosningar og gera allt annað eftir kosningar. Hrósa svo sem Ríkisútvarpinu fyrir kosningar og hella eldi og brennisteini yfir það eftir kosningar. Obama framsóknarmaður getur deilt reynslu sinni af ráðningu forstjóra njósnastofnunar, sem brýtur lög um persónuvernd rúmlega tvöþúsund sinnum á ári. Og skipa hann í kjölfarið formann rannsóknarnefndar með þessum sömu lögbrotum. Obama hefur reynzt verri en Bush og fer að passa í Framsókn.
