Prinsessuviðtal Stöðvar 2 við Jón stóra er þekktasta dæmið um, að fjölmiðlar hossa bjálfum. Athugasemdalaust er talað við fólk, sem ber ekkert skynbragð á umhverfi eða aðstæður. Fimmhundruð þúsund króna öryrki kvartar yfir bágri stöðu og verður að athlægi. Margt fólk í fullri vinnu býr við bágari kjör. Smástelpa fer upp á hótelherbergi með fullum leikara frá útlöndum og segir hann dónalegan að vilja sex. Það eina, sem fullir leikarar á hótelherbergjum vilja. Sýningardama játar að vera að leita sér að vinnu í Kaliforníu og undrast viðbrögð löggunnar þar. Þetta fólk stígur greinilega ekki í vitið.
