Á annarri eyju í Pichola er marmarahöllin Lake Palace, sumarhöll konungsins. Henni hefur verið breytt í glæsilegt 83 herbergja hótel, eitt af þeim rómantískustu í heiminum.
Á þeim stað látum við staðar numið í skoðunarferð okkar um hin gömlu konungsríki hindúa í Rajasthan suður af Delhi mógúlanna í Indlandi.
Skreyting í City Palace
Mesta mannvirki borgarinnar er City Palace, stærsta höll í Rajasthan. Hún er röð halla á vatnsbakkanum, byggðar á ýmsum tímum í 400 ár, allt frá 1559, með glæsilegu útsýni yfir stöðuvatnið. Meginhluti hallanna er núna fornminjasafn.
Udaipur City Palace
Jagdish Temple
Ein af mörgum gömlum höfuðborgum í Rajasthan er Udaipur, 306 km sunnan við Jodhpur, á bökkum mikils stöðuvatns, Pichola. Á vatninu er gömul konungshöll, Lake Palace.
Í miðri borginni er hindúamusterið Jagdish frá 1651, dæmigerð hönnun frá þeim tíma.
Á eyju í Pichola er höllin Garden Palace frá 1551, veizluhöll hinna fornu konunga staðarins.
Jag Mandir Palace, Lake Palace í baksýn
Meharangarh
Mesta túristaundur í Jodhpur er Meharangarh virkið uppi á 125 metra háum kletti í borgarmiðju, reist 1460 á vegum Rao Jodha, leiðtoga Rathore ættarinnar. Þarna uppi eru margar hallir innan voldugra 36 metra hárra virkisveggja. Krókóttur vegur liggur upp að virkinu.
Hallirnar eru núna áhugaverð söfn um sögu Rajasthan. Mikið er um glæsileg myndefni þarna uppi og við látum myndirnar sjálfar segja frá.
Meharangarh
Næststærsta borg Rajasthan er Jodhpur, 377 kílómetrum vestan við Jaipur, nálægt miðju ríkisins. Þarna erum við komin langt inn í Thar eyðimörkina. Borgin var áður höfuðborg konungsríkisins Marwar. Frægust er hún fyrir reiðbuxur, sem kallaðar eru Jodhpurs.
Blár litur er áberandi í húsum borgarinnar, svo að hún er oft kölluð Bláa borgin. Gamli bærinn nær hringinn í kringum volduga klettaborg Meharangarh virkisins.
Áður var Umaid Bhawan eitt stærsta íbúðarhús heimsins, aðsetur Maharaja Umaid Singh, sem var konungur hér. Höllin er úr gullnum sandsteini, 347 herbergi og hefur verið breytt í lúxushótel.
Umail Bhawan Palace hótel
Jai Mandir höllin í Amber Fort
Í nágrenni Jaipur er Amber Fort uppi á fjallstindi. Þangað kemstu á fílsbaki eftir krókóttum römpum. Hallirnar eru á fjórum þyrpingum úr sandsteini og marmara, byggðar á ýmsum tímum, allt frá 1036. Aðalinngangur er um Suraj Pole, sólarhliðið.
Virkishöllin er á heimsminjaskrá Unesco.
Diwan-i-Aam
Ganesh Pol er inngangurinn að einkahöll konungs, þriggja hæða höll, þar sem hirðin horfði á hersýningar á torginu fyrir utan. Efsta hæð inngangsins var fyrir hirðkonurnar.
Fyrir innan Ganesh Pol er áheyrnarsalur konungs, þangað sem almenningur gat komið til að flytja kvartanir og önnur erindi. Þetta er upphækkaður súlnasalur með 27 súlnaröðum.
Jai Mandir speglaverk
Í næsta hólfi hallanna í virkinu er höllin Jai Mandir eða Sheesh Mahal með miklu og margvíslega lituðu speglaverki.
Andspænis Jai Mandir er Sukh Mahal loftkælingarhöllin, sem notar vatn og vind til að kæla mannskapinn.
Við förum aftur á fílsbaki niður rampana að stöðuvatninu Maota.
Blómagarður hallarinnar er Kesar Kyari í stöðuvatninu Maota fyrir neðan höllina.
Albert Hall Museum
Í úthverfi borgarinnar er Albert Hall Museum eða Central Museum, sem er ríkislistasafn sögulegra minja í Rajasthan.
Rambagh Palace hotel
Eitt frægðarhúsið enn og opið almenningi er lúxushótelið Rambagh Palace, fyrrum aðsetur maharajans í Jaipur, 8 km utan borgarinnar.
Narivalaya Yantra
Við hliðina á City Palace er Jantar Mantar, stjörnuskoðunarstöð frá 1728-1734, ein merkasta slík stöð heims frá þeim tíma. Þar eru sextán tæki og sum eru enn í notkun.
Í stöðinni er stjörnuathugunartækið Narivalaya Yantra, sem sýnir stundir dagsins.
Ishwar Lat
Á sama svæði og höllin og stjörnuskoðunarstöðin er
Ishwar Lat, sigurturn Ishwari Singh frá 1749
Hindúamusterið Birla Mandir, stundum kallað Laxmi Narayal, er þekkt fyrir hvíta marmarann.
Birla Mandir
Sjö hæða höllin Chandra Mahal er mesta mann
virkið á svæðinu. Þar búa enn arftakar fyrri konunga Jaipur, en hlutar eru opnir almenningi. Þar eru meðal annars til sýnis teppi og skinnhandrit.
Garðurinn Pritam Chowk framan við sjö hæða höllina er þekktur fyrir fjóra fagurlega skreytta innganga.
Mubarak Mahal
Ein af silfurkrukkunum stóru
Tveggja hæða gestamóttaka hallarhverfisins, Mubarak Maha
l, er byggð úr sandsteini. Þar er ýmiss konar textíl til sýnis.
Einkafundahöll konungs, Diwan-i-Khas, hefur að geyma stærstu silfurmuni heims, 340 kílóa risavaxnar krukkur, sem hver um sig rúmar 4000 lítra af heilögu vatni úr Ganges-fljóti.
Diwan-i-Khash
Í miðbænum er Höll vindanna, staðartáknið Hawa Mahal, var reist 1799 af Pratab Singh í indverskum hlaðstíll. Afar þunn fimm hæða útsýnishöll kvennabúrsins. Þaðan gátu konurnar fylgst með lífinu á aðalgötunni fyrir framan.
Jaipur er á jaðri Thar eyðimerkurinnar, 243 kílómetrum vestan við Agra og svipaða vegalengd frá Delhi. Hérna erum við komin í Rajasthan, land hinna indversku konunga, sem vörðust ágangi mógúlanna. Jaipur er höfuðborg þessa landshluta. Íbúarnir eru sjö milljónir og þar er margt að sjá. Stundum er borgin kölluð rauðgula borgin vegna málningar, sem víða er notaður í fræg mannvirki.
Jama Mashid, Fatepur Sikri
Buland Gate, Jama Mashid
Til hliðar við hallarhverfið er Jama Masjid, moska konungs og Sahim Chishti, grafhýsi spekingsins Sahim Chishti.
Jama Masjid moskan var byggð 1571-1575 á vegum Sahim Chishti. Hlið moskunnar heitir Buland Darwaza.
Sahim Chishti er líkhús samnefnds sufi-spekings, reist á vegum Akbar shah 1580. Hvítur marmari líkhússins stingur í stúf við sandstein annarra halla á svæðinu.
Sahim Chishti
Diwan I Khas, Fatepur Sikri
Miðsúlan í Diwan I Khas
Konungshöll Akbar er 37 km suðvestan við Agra. H
ún var notuð 1571-1585. Eftir aðeins fjórtán ár var hún yfirgefin af óþekktum ástæðum og lítur enn út hálfri fimmtu öld síðar eins og hún hafi verið yfirgefin í gær.
Eins og fleiri hallir múslima er hún þorp margra smárra halla í stórum garði með bunulækjum.
Helztu hallir í garðinum eru:
Diwan-i-Khas er áheyrnarsalur konungs fyrir einkagesti, með voldugri súlu í miðjun sal. Súlan ber uppi svalir fyrir konunginn.
Panch Mahal er fimm hæða höll drottningar, með miklum skógi 176 súlna.
Panch Mahal, Fatepur Sikri
230 km sunnan við Delhi er hinn forna höfuðborg mógúlanna í Agra á 16. og 17. öld. Hún geymir einn mesta dýrgrip menningarsögunnar, minningarhöllina Taj Mahal.
Shah Jakan lét reisa Taj Mahal til minningar um drottningu sína, Mumtaz Mahal. Minningarhöllin er paradís, eins konar gimsteinn í víðáttumiklum garði. 500 kíló af gulli fóru í höllina. Smíðinni lauk 1653.
Höllin er samhverf utan um miðsal með kistum drottningar og konungs. Veggir hallarinnar eru klæddir marmara að utan sem innan með innlögðum blómaskreytingum og versum úr kóraninum.
