Baha’i musteri

Enn sunnar í borginni er musteri Baha’i.

Lótus musterið er höfuðhof Bahá’í trúar í heiminum, hannað af hinum persneska arkitekt Fariborz Sahba, sem nú er landflótta í Kanada, eins og ýmsir höfuðarkitektar Persa. Það er í líkingu lótusblóms og er eitt fegursta mannvirk heims.

Í hofinu er hvorki predikað né stundaðar helgiathafnir, en fólk allra trúarbragða má lesa upp úr helgiritum sínum og þar má einnig flytja tónlist. Þetta er einn vinsælasti ferðamannastaður heims, slær út Eiffel-turninn og Taj Mahal.

Næstu skref

Humayun

Qtab Minar

Nokkru suðaustan við India Gate er Humayun grafhýsið.

Humayun er legstaður annars konungs mógúlaveldisins 1565 í persneskum stíl, svipað og Taj Mahal í Agra. Grafhýsið er á heimsminjaskrá Unesco.

Qtab Minar

Í suðurhluta borgarinnar er Qtab Minar sigurturninn

Qtab Minar er sigurturn múslima eftir valdatökuna 1193. Turninn er 73 metra hár, hlaðinn úr múrsteini, næsthæsti kallturn Indlands, breiðastur neðst, 14 metrar, og grennstur efst, tæpir 3 metrar. Þrepin eru 379 í tröppunum upp turninn. Turninn er á heimsminjaskrá Unesco.

Næstu skref

Þjóðminjasafn

India Gate

Á horni Rajpath og Janpath komum við að þjóðminjasafni Indlands. Þetta eru rómgóð og glæsileg húsakynni á þremur hæðum, sem hæfa landi, er hefur eina fjölbreyttustu menningarsögu jarðar.

India Gate

Rajpath er vettvangur hersýninga og skrautsýninga á helztu hátíðisdögum landsins. Gatan endar svo í garðinum umhverfis India Gate, minnisvarða óþekkta hermannsins.

Við höfum nú litið á sumt af því markverðasta í Old og New Delhi og snúum okkur að þremur merkisstöðum, sem eru utan miðbogarinnar.

Næstu skref

Delhi Government Building North Block

Rashtrapati Bhavan

Inngangshlið forsetahallarinnar Rashtrapati Bahvan

Héðan tökum við okkur far að vesturenda Rajpath breiðgötunnar, þar sem er inngangshlið forsetahallarinnar, Rashtrapati Bhavan.

Rashtrapati Bhavan var byggð sem stjórnarsetur brezka varakonungsins yfir Indlandi og gerð að forsetahöll, þegar Indland varð sjálfstætt ríki. Umhverfis höllina eru Mughal garðarnir. Arkitekt hallarinnar var Edwin Lutyens, sem hannaði flestar b
yggingar stjórnarráðsins í Delhi.

Government buildings

Hér slær hjarta Indlands nútímans. Þegar horft er til austurs frá inngangshliðinu, blasa við stjórnarskrifstofur Indlands beggja vegna götunnar.

Syðri hlutinn hýsir forsætis-, utanríkis- og varnarmálaráðuneytin og nyrðri hlutinn hýsir fjármála- og innanríkisráðuneytin.

Sansad Bhavan

Við göngum götuna til austurs. Þegar við komum fram fyrir stjórnarskrifstofurnar, blasir þinghúsið við í norðri, hringlaga bygging, Sansad Bhavan.

Við höldum áfram til austurs eftir breiðstrætinu Rajpath og komum að Vijay Chowk, þar sem eru voldugir gosbrunnar sinn til hvorrar handar.

Næstu skref

Sansad Bhavan þinghúsið

Gurudwara Bangla Sahib

Enn förum við áfram eftir Sansad Marg einn km og beygjum síðan til hægri eftir Ashoka Road annan km, unz við komum að torginu Gol Dak Kana.

Þar er Gurudwara Bangla Sahib, eitt helzta musteri sikha, byggt 1783, frægt fyrir gullna þakhjálma. Í musterinu er afgreiddur ókeypis matur og er það þegið af 10.000 manns á hverjum degi.

Lakshmi Narayan

Héðan getum við farið yfir Baba Kharak Singh Marg og gengið 1 km eftir Bhai Vir Sing Margh að Lakshmi Narayan musterinu í fallegum garði. 

Lakshmi Narayan er fyrsta musterið, þar sem stéttleysingjar máttu koma, byggt 1938 í nútíma indverskum musterisstíl, afar hreint og vel við haldið.

Næstu skref

Jantar Mantar stjörnuskoðunarstöðin

New Delhi

Við yfirgefum nú Old Delhi og tökum far til miðju New Delhi á Connaught Place.

Connaught Place er risavaxið hringtorg með verzlunum og þjónustu borgarinnar, hannað í brezkri nýklassík með skuggsælum gangstéttum, sem geta komið sér vel í hitunum.

Jantar Mantar

Við förum suðvestur frá Connaught Place eftir Sansad Marg um eins km leið að Jantar Mantar stjörnuskoðunarstöðinni frá 1774. Þar er risavaxið sólúr í stórum garði og fleiri mannvirki til að mæla stöðu sólar og stjarna.

Næstu skref

Jama Masjid

Aðalinngangur Jama Masjid

Frá Channi liggur leiðin einn km eftir götunni Esplanade Road að Jama Masjid.

Stærsta mosku landsins er Jama Masjid. Hún var byggð um leið og Red Fort úr rauðum sandsteini á vegum Shah Jahan. Er enn í notkun og rúmar 20.000 manns á bænatímum, auk þeirra sem heyra messuna úti á torginu.

Vestan við Jama Masjid er elzti heildsölubazar Delhi, Chawri Bazar.

Næstu skref

Chandni chowk

Frá virkishliðinu förum við beint áfram inn á bazarinn Chandni Chowk.

Chandni er einn elzti og stærsti bazar borgarinnar, vel í sveit settur milli Red Fort og aðaljárnbrautarstöðvarinnar. Í gamla daga voru miklar hátíða-prósessíur framdar á þessari breiðgötu. Út frá henni liggja verzlunarsund til allra átta. Þangað leita nú jafnt heimamenn sem ferðamenn að kaupsýslu.

Næstu skref

Rang Mahal

Rang Mahal

Áfram liggur leiðin í Rang Mahal, gullna sali kvennabúrs mógúlsins. Um miðja höllina rennur lítill lækur, Lækur Paradísar. Undir höllinni er kjallari, þar sem konurnar kældu sig, þegar heitt var í veðri.

Diwan-i-Kash

Red Fort, Diwan-i-Kash

Við beygjum til norðurs um Kash Mahal, íbúð mógúlsins og komum að Diwan-i-Kash, höll hins fræga páfugls-hásætis. Þar sat mógúllinn í haug gimsteina og hlustaði á ráðgjafa sína og mikilsháttar gesti.

Við röltum lengur um sali og garða unz við förum aftur út um Lahori Gate.

Red Fort er á heimsminjaskrá Unesco.

Næstu skref

Red Fort, Lahori Gate

Red Fort

Við hefjum leikinn í Red Fort við voldugan innganginn, Lahori Gate. Nafn virkisins stafar af rauðum sandsteini bygginganna. Svæðið var byggt 1639 á vegum á vegum Shah Jahan og var höll mógúlanna allt til 1857, þegar brezki varakeisarinn tók við.

Red Fort, Diwan-i-Aam

Að hætti múslima er þetta ekki ein höll heldur margar litlar í stórum garði. Þekktastar eru Diwan-i-Aam, Rang Mahal og Diwan-i-Khas.

Diwan-i-Aam

Við förum frá Lahori Gate beint austur að Diwan-i-Aam, áheyrnarsal mógúlsins úr sandsteini. Höllin er fagurlega skreytt súlum, burðarbogum og veggjum. Þar sat mógúllinn daglega í hásæti í sextíu súlna sal og hlustaði á kvartanir og önnur erindi almennings.

Red Fort, hásæti mógúlsins í Diwan-i-Aam

Næstu skref

Skiltið fræga í Zagora. Boðið í 52 daga úlfaldaferð yfir Sahara til Timbuktu í Malí

Zagora

Leiðin inn í Sahara liggur oftast um Zagora í 120 km fjarlægð frá Ouarzazate. Zagora er ekki nema svipur hjá fyrri sjón, þegar héðan voru 52 daga úlfaldaferðir yfir stærstu eyðimörk heimsins. En auglýsingaskiltið hangir enn uppi.

Tamgroute

Í nágrenni Zagora er Tamgroute. Þar erum við komnir inn í hina klassísku eyðimörk með breytilegum sandöldum. Þar er fljótlegt að skreppa á úlfalda inn í auðnina. Úlfaldinn ratar sem betur fer til baka.

Sandöldur Sahara í Tamgroute

Tamgroute er líka þekkt sem miðstöð Nasiriyya, sem einu sinni var útbreiddasta Sufi dulspeki-sértrúar múslima. Í bókasafni reglunnar er mikið af frægum miðaldahandritum.

Hér lýkur okkar Marokkó-ferð. Við förum til baka til Marrakech og fljúgum þaðan til Evrópu.

Kasbah Taourirt, höfuðstöðvar Glaoui-ættarinnar

Ouarzazate

Frá virkisbænum eru 34 km til Ouarzazate. Við útjaðar borgarinnar eru kvikmyndaver frá þeim tíma, þegar stórmyndir voru teknar í Ait-Ben-Haddou. Í þessum verum eru alkunn „props“ úr frægum stórmyndum.

Ouarzazate er miðstöð ferða inn í Sahara. Í bænum eru fræg ættarvirki úr sólbrenndum leir, svo sem Kasbah Taourirt, höfuðstöðvar Glaoui ættarinnar, sem löngum var ein herskáasta ætt í Marokkó. Þaðan komu stórvezírar og hershöfðingjar og sérfræðingar í hvers konar plotti.

Frá Ouarzazate er hægt að fara í ferðir um Draa dalinn, þar sem rennur lengsta á landsins. Gróðurinn á árbakkanum stingur í stúf við auðnina í kring.

Yfirgefið ættarvirki í Draa-dal

Draa dalur

Ekki er lengur hægt að fara í 52 daga reiðtúr á úlföldum um Sahara til Timbuktu í Mali, því að landamæri Marokkó og Alsír eru lokuð.

Næstu skref

Ksar of Ait-Ben-Haddou, fræg virkisborg úr kvikmyndum

Sahara

Vinsælt er að fara í ferðir frá Marrakech yfir Atlasfjöll inn í Sahara. Vegalengdin frá Marrakech til Ouarzazate er 200 km. Farið er um Tizi n’Tichka, leið N9, hæsta fjallaskarð Norður-Afríku í 2260 metra hæð. Fleiri leiðir eru yfir fjöllin, en þessi er í senn á góðum vegi og með góðu útsýni. Vegurinn var lagður af franska hernum. Handan skarðsins byrjar Sahara.

Ksar of Ait-Ben-Haddou

Við tökum 9 km krókinn til Ksar of Ait-Ben-Haddou

Þetta er hefðbundinn virkisbær úr sólbrenndum leir á jaðri Sahara, á heimsminjaskrá Unesco, oft notaður í kvikmyndum, svo sem í Lawrence of Arabia. Við innganginn er kaffihús með góðu útsýni yfir bæinn.

Næstu skref

Jardin Majorelle

Frægasti garður borgarinnar var skipulagður af listmálaranum Jacques Majorelle, sem bjó hér. Síðar komst garðurinn í eigu tízkukóngsins Saint Laurent og félaga hans, Pierre Bergé. Marrakech tók vel á móti þeim félögum og í þakklætisskyni gáfu þeir borginni garðinn. Þar er nú stórkostlegur gróður 300 eyðimerkurplantna frá fimm heimsálfum. Í húsakynnum herragarðsins er sýning á listaverkum heimamanna.

Næstu skref