Kallturn moskunnar Koutoubia
Við hlið Djemaa El-Fna er Koutoubia moskan með frægum bænakallsturni, fagurlega upplýst að kvöldlagi, þegar mest er um að vera á torginu. Koutoubia er fyrirmynd kallturnsins við dómkirkjuna í Sevilla á Spáni.
El Bahia höllin í nágrenninu er fagurlega skreytt, skipulögð í görðum með hallir á milli blómskrúðsgarða
Kryddsali í Souk í Marrakech
Miðgarður í Riad Zina, einu smáhótelinu í Souk í Marrakech
Frá torginu liggja göngusund inn í forna miðbæinn, í Souks, þar sem kaupmenn og handverksmenn hafa búðarholur sínar í þéttum röðum.
Í herragörðum Medina er töluvert af litlum gistihúsum og veitingahúsum, sem hafa verið innréttuð með öllum þægindum í hinum gömlu húsum, sem byggð eru utan um miðgarð með blómum og bunulækjum. Slíkir herragarðar kallast Riad og eru í öllum borgum þessarar ferðar, en flest eru þau hér í Marrakech.
Reykurinn og ilmurinn liðast upp frá veizluborðunum á Djemaa El-Fna
Djemaa El-Fna er eitt af undrum veraldar, risavaxið torg í miðju hinnar fornu Medina eða miðbæjar í borginni, autt á daginn en að springa af lífi og fjöri á kvöldin.
Þar er hátíð á hverju kvöldi, þegar veitingamenn og farandsalar, tónlistarfólk, dansarar og sagnaþulir slá upp búðum sínum og fylla kvöldloftið af trumbuslætti og ópum sínum. Mest ber á snákatemjurum og apatemjurum. Seiðmagnaður kryddilmur rís upp af eldstóm og grillum.
Horft frá hótelinu La Mamounia, leitið að og finnið íslenzka fánann við innkeyrsluna á miðri mynd
Það er löng 390 km leið frá Fez til Marrakech. Borgin liggur miklu sunnar en aðrar konungsborgir Marokkó. Borgin er nálægt rótum Atlas fjallgarðsins og Sahara handan hans.
Borgin skiptist í tvennt, hina fornu borg og hina yngri frönsku borg. Þegar Frakkar réðu þarna ríkjum, vildu þeir ekki spilla hinni sérstæðu borg, heldur byggðu við hlið hennar aðra borg, Gueliz, með breiðstrætum í frönskum stíl.
Hús með gluggum út að götu eru sjaldgæf í gömlum bæjarhlutum. Hér eru hús í Mellah, hverfi gyðinga
Mellah er gettóið í Fez. Gyðingahverfið í Fez er frábrugðið hverfum múslima. Venjuleg hús hafa gluggalausa veggi að götum og port í miðjunni til að gefa birtu. Hús gyðinga hafa hins vegar stóra glugga út að götum.
Skinnalitun undir berum himni í Souk í Fez
Fallegar veggskreytingar í Souk
Gamli miðbærinn er stærsta bíllausa svæði heimsins, enda eru göturnar svo þröngar, að þar kemst enginn bíll. Þessu 1200 ára gamla hverfi er skipt í svæði eftir tegundum iðnaðar og verzlunar. Fræg eru litunarsvæði skinna undir berum himni. Hurðirnar í gamla miðbænum eru margar athyglisverðar, kallaðar Babs.
Fez séð frá Palais Jamai hóteli
Frá Volubilis eru 80 km. til Fez, sem er frægust fyrir gamla miðbæinn, Fez el Bali, sem er á heimsminjaskrá Unesco. Minni medínan, Fez el Jedid, er líka áhugaverð.
Fez er ein af hinum frægu konungsborgum landsins, var höfuðborg landsins fram til 1925, þegar Rabat tók við. Ekki missa af gullnu hliði konungshallarinnar.
Al-Qarawiyyin moskan og madrasan er elzta starfandi moska heimsins, frá 859.
Hlið konungshallarinnar í Fez
Sigurbogi Caracalla
Frá Moulay Idriss til Volubilis eru aðeins 3 km.
Volubilis eru rústir rómverskrar borgar, byggðar á fönísk-púnverskum grunni og er talið vera gott dæmi um rómverskt borgarskipulag á útjaðri heimsveldisins.
Capitolum og basilíka
Þar stendur enn rómverskur sigurbogi Caracalla og heilmikið af mósaík-gólfum, svo og leifar af Capitolum musterishæð og basilíku þar við hliðina. Svæðið er á heimsminjaskrá Unesco.
Mósaík í gólfi í Volubilis
Gólf í Volubilis
Gata í Moulay Idriss
Frá Meknes til Moulay Idriss eru 25 km.
Moulay Idriss var fyrsti arabakóngurinn í Marokkó, langalangafabarn Múhameðs spámanns, stofnandi íslams í landinu. Hann var erfingi kalífatsins í Damaskus, en var flæmdur frá völdum og flúði til Marokkó.
Hann settist að í Volubilis og stofnaði bæinn, sem heitir Moulay Idriss eftir honum. Hér er gröf hans og hingað flykkjast múslimar til að minnast hans. Eftir lát hans var höfuðborgin fljótlega flutt til Fez.
Bab Mansour miðborgarhliðið í Meknes
Flísalögn í minningarhúsi Moulay Ismail
Milli Rabat og Meknes eru 120 fljótfarnir kílómetrar.
Meknes var konungsborg hins fræga Moulay Ismail 1672–1727. Eftir lát hans var konungsborgin flutt til Marrakech.
Moulay Ismail Mausoleum er minningarhöll hans. Þar má sjá afburða handverk í skreytingum. Nálægt minningarhöllinni eru Heri es-Souani korngeymslur Moulay Ismail fyrir 12.000 stríðshesta hans.
Heri Es Souani korngeymslurnar
Heri As Souani korn-geymslurnar
Bab Mansour er stærsta borgarhliðið að Medina, gamla miðbænum, sem er á heimsminja-skrá Unesco.
Sala Colonia í Rabat
Kallturn mosku með storkshreiðri í Chellah
Í suðurjaðri Rabat er Chellah eða Sala Colonia, rústir föníska og rómverska bæjarins, sem var ein helzta borg skattlandsins Tingis. Þar hefur lengi verið mikill fornleifagröftur. Í nútímanum er svæðið jafnframt lystigarður borgarbúa.
Inngangur konungshallarinnar í Rabat
Dar al-Makhzen nefnist konungshöllin í Touarga hverfinu í Rabat, reist 1864 eftir hönnun franskra arkitekta. Þetta er sú konungshöll landsins, sem hann notar mest, enda eru þar líka ráðuneyti hans.
Kasbah des Oudaia er kastalahverfið uppi á kletti við ströndina í Rabat. Við förum upp langar tröppur og gegn voldugt hlið og erum þá komin inn í aldagamalt íbúðahverfi í bláum og hvítum litum og þröngum göngugötum. Nú er þetta fínt hverfi, snyrtilegt og gerilsneytt.
Blámálaðar götur í kastalahverfinu Kasbah í Rabat
Medina, verzlunarhverfið í Rabat
Hliðið að Kasbah virkinu í Rabat
Neðan við Kasbah er Medina, gamla verzlunar-hverfið í Rabat. Það nær yfir stórt svæði, umlukið Atlants-hafinu á eina hlið, Bou Regreg fljótinu á aðra hlið og voldugum kastalamúr á hinar tvær. Í verzlunargötunum má sjá konur í síðum jalabas-sloppum með slæður fyrir andliti og dömur á háhæluðum skóm og Parísar-tízkuklæðum. Hér mætast miðaldir og nútími í friði og spekt.
Minningarhús Mohammed V
Leiðin frá Casablanca til Rabat er 86 km.
Rabat er höfuðborg landsins með frægum höllum og miðaldahverfum á strönd Atlantshafsins. Þar hefjum við ferð okkar um borgir Marokko.
Grafhýsi Mohammed V við Yacoub al-Mansour breiðgötuna hýsir gröf hans og gröf sonar hans Hassan II, fyrstu konunga landsins eftir sjálfstæði landsins 1956. Það er stíl, sem kenndur er við núverandi konungsætt Alavíta. Í grafhvelfingunni situr oft klerkur og les upp úr kóraninum.
Hassan kallturninn í Rabat
Marokkómenn eru afar trúfastir og klæðast margir síðum, hvítum kuflum eins og Sádi-Arabar. Þeir eru þó alavítar eins og sumir Sýrlendingar. Það er grein af shia, sem einnig er ríkjandi trú í Íran og í Írak, mjög andsnúin súnnítum, sem ráða á Arabíuskaga. Réttarstaða kvenna er tiltölulega bágborin eins og í ýmsum löndum múslima.
Turn Hassans II er handan götunnar, bænaturn mosku, sem hafin var smíði á 1195. Byrjað var á turninum og 200 súlum. Smíðinni var hætt fjórum árum síðar, þegar turninn var kominn í 44 metra hæð og stubbar komnir af súlunum.
Byggingameistari var konungurinn Yacoub al-Mansour, sá sami og lét byggja kallturninn í Sevilla á Spáni. Báðir turnarnir eru byggðir í stíl turns Koutoubia moskunnar í Marrakech. Al-Mansour lét einnig byggja Udayas kastalann í Rabat og grafreitinn í Chellah. Hann var mikill herkonungur og vann ýmsa sigra í herferðun til Spánar og Portúgal.
Moska Hassan II og hæsti kallturn heims
Brunnskreyting við mosku Hassan II í Casablanca
Flugvélin lendir í Casablanca, stærstu borg Marokkó, frægri af samnefndri kvikmynd. Þar er risamoska Hassans II á nesi, sem skagar út í Atlantshafið. Kallturn moskunnar er sá hæsti í heimi 210 metra hár, sem samsvarar þremur Hallgrímskirkjuturnum. Moskan rúmar 25.000 manns á bænastundum, auk 80.000 manns í forgarðinum.
Djemaa El-Fna í Marrakesh að springa af lífi og fjöri á kvöldin.
Marokkó er vestasta ríki múslima á norðurströnd Afríku og snýr í senn að Miðjarðarhafi og Atlantshafi. Hefur lengst af verið sjálfstætt konungsríki, en laut franskri stjórn 1912-1956. Fyrir ferðamenn eru áhugaverðastar konungaborgirnar Rabat, Meknes, Fez og Marrakech.
