Frá vegamótum á Hellisvörðuási að Stífluvegi við Blöndulón.

Friðmundarvötn heita eftir landnámsmanninum Friðmundi í Forsæludal inn af Vatnsdal.

Byrjum við reiðslóðamót á Hellisvörðuási norðan Vestara-Friðmundarvatns. Förum til austurs austur fyrir Deildartjörn og síðan suður um Riðavíkurbungu. Næst til suðurs milli Friðmundarvatna og milli Mjóavatns og Þrístiklu. Loks suður að Stífluvegi við Blöndulón norðvestanvert.

16,9 km
Húnavatnssýslur

Skálar:
Friðmundarvötn: N65 18.285 W19 50.796.

Jeppafært

Nálægar leiðir: Öldumóða, Úlfkelshöfði, Áfangi, Stífluvegur, Gilsárvatn.

Skrásetjari: Jónas Kristjánsson
Heimild: Herforingjaráðskort

Frá Bollastöðum í Blöndudal um Rugludal og Rugludalskvísl að fjallaskálanum við Galtará á Eyvindarstaðaheiði.

Þetta er meginleiðin upp á Eyvindarstaðaheiði, sæmilegur jeppavegur austan Blöndugils og Blöndulóns.

Við Rugludal byrjar Blöndugil að norðanverðu og nær suður að Reftjarnarbungu við Blöndustíflu. Það er yfir 20 km langt, víðast 50-100 metra djúpt og nær 200 metra dýpt við Tindabjörg. Um örnefnin Rugludalur og Kurbrandsmýri er þessi þjóðsaga: Rugla bjó í Rugludal og hafði smalann Kurbrand. Batt hún strokk á bak hans og lét hann strokka smjörið meðan hann gætti kindanna. Henni þótti hann latur til verksins og drap hann, kom honum fyrir í Kurbrandsmýri. Þar hafa ferðamenn hent steinum í Kurbrandsdys.

Förum frá Bollastöðum eftir jeppavegi suður og upp úr Rugludal og síðan á dalsbrúninni suður um Eyvindarstaðaheiði. Síðast suður um Kurbrandsmýri að skálanum við Galtará á Eyvindarstaðaheiði. Þar komum við á Kjalveg.

26,8 km
Húnavatnssýslur

Skálar:
Galtará: N65 11.809 W19 31.474.

Jeppafært

Nálægir ferlar: Haugakvísl, Mælifellsdalur.
Nálægar leiðir: Járnhryggur, Stífluvegur, Vesturheiði.

Skrásetjari: Jónas Kristjánsson
Heimild: Útivistarkort

Frá Grímstungu í Vatnsdal um Forsæludal og Friðmundará að fjallaskálanum Höfðaveri við Vestra-Friðmundarvatn.

Vatnsdalsá rennur um Forsæludal. Þar eru tvö býli, Sunnuhlíð og Forsæludalur.Andspænis Sunnuhlíð sunnan ár er eyðibýlið Þórhallastaðir. Þaðan var draugurinn Glámur, sem Grettir Ásmundarson yfirbugaði með harmkvælum. Nokkru innar í dalnum, nálægt Skessufossi, er Glámsþúfa, þar sem átökin urðu. Sunnan Friðmundarár rennur Vatnsdalsá í miklu gljúfri. Töluvert af fögrum fossum eru á þessum slóðum í Vatnsdalsá. Neðar eru Stekkjarfoss og Dalfoss og ofar eru Kerafoss, Freyðandi, Rjúkandi og Skínandi.

Byrjum við Vatnsdalsá norðan við Grímstungu. Förum suðaustur Forsæludal að Friðmundarárgili. Síðan til austurs norðan gilsins og Friðmundarár að slóð norðvestan úr Kárdal um Dalsbungu. Förum austur slóðina að fjallaskálanum Höfðaveri við Vestra-Friðmundarvatn.

16,0 km
Húnvatnssýslur

Skálar:
Höfðaver: N65 17.490 W19 53.208.

Jeppafært

Nálægir ferlar: Haukagilsheiði.
Nálægar leiðir: Dalsbunga, Öldumóða, Áfangi, Úlfkelshöfði, Þverflár, Grímstunguheiði.

Skrásetjari: Jónas Kristjánsson
Heimild: Árbók FÍ

Frá Bjargshóli í Miðfirði um Finnmörk að Fitjum í Fitjárdal.

Förum frá Bjargshóli austur að Finnmörk og þaðan til norðurs að þjóðvegi 714 við Fitjar.

7,0 km
Húnavatnssýslur

Nálægir ferlar: Húnaþing. 

Skrásetjari: Jónas Kristjánsson
Heimild: Herforingjaráðskort

Frá Þórormstungu í Vatnsdal um Dalsbungu að Friðmundarvötnum á Auðkúluheiði.

Þórormstunga er kunnur staður. Þar bjó á landnámsöld Þórormur, fóstri Þorkels kröflu. Um miðja 19. öld bjó þar Jón Bjarnason hinn stjörnufróði, sem fylgdist með gangi himintungla og samdi dagatöl.

Förum frá Þórormstungu til suðausturs sunnarlega upp dalinn og á Dalsbungu og Úlfkelshæð í 460 metra hæð. Síðan austur að fjallaskálanum Höfðaveri sunnan undir Friðmundarhöfða við vestra Friðmundarvatn.

15,8 km
Húnavatnssýslur

Skálar:
Höfðaver: N65 17.490 W19 53.208.

Jeppafært

Nálægar leiðir: Öldumóða, Áfangi, Úlfkelshöfði, Þverflár, Forsæludalur, Grímstunguheiði.

Skrásetjari: Jónas Kristjánsson
Heimild: Útivistarkort

Þetta er leiðin um vel grónar eyrar Víðidalsár, þægilegt reiðland, og síðan um Borgarvirki, landsins eina varnarvirki.

Borgarvirki er klettaborg á ásunum milli Vesturhóps og Víðidals, gostappi með 10-15 metra háu stuðlabergslagi. Efst í virkinu er skeifulaga dæld, fimm metra djúp, með hlöðnum grjótvegg í skarði að austanverðu. Í dældinni eru fornleifar af tveimur skálum og brunni. Hvergi er minnst á Borgarvirki í vígaferlum Íslendingasagna. Enginn veit því, hver innréttaði virkið og hverjir notuðu það. Þessi leið er að mestu farin með bílvegum, nema fyrri hlutinn á bökkum Víðidalsár.

Förum frá Dæli norður með vegi 715 að Stóru-Ásgeirsá. Síðan til vesturs út af vegi og svo norðvestur að Galtarnesi og þaðan með bökkum Víðidalsár að brúnni yfir ána á þjóðvegi 1. Förum nokkur hundruð metra suður með veginum að mótum vegar 716, sem við förum til vesturs og síðan til norðurs meðfram Björgum, austan við Mómela. Höldum síðan áfram jeppaveginn að Vesturhópsvatni og síðan norður holtin upp að Borgarvirki, þar sem við skoðum blöndu af náttúruundri og mannvirki. Loks förum við norður af holtunum að Stóru-Borg í Hópi.

19,7 km
Húnavatnssýslur

Nálægir ferlar: Húnaþing, Hópið.
Nálægar leiðir: Víðidalstunguheiði.

Skrásetjari: Steingrímur Kristinsson
Heimild: Jónas Kristjánsson og Steingrímur Kristinsson

Frá fjallaskálanum Áfanga við Blöndulón til Galtarár við Blöndulón.

Gamli Skagfirðingavegurinn, nú kominn að hluta undir Blöndulón. Sýndur á kortinu af sagnfræðilegum ástæðum, ekki til að hvetja menn til ferðar um hann, því að hann er ófær.

Hér lá Skagfirðingavegur vestur á Arnarvatnsheiði til Borgarfjarðar og Reykjavíkur fyrir tíma Blöndulóns. Þá fylgdust Skagfirðingar með hrosslaga skafli í Mælifellshnjúki. Þegar svo var komið fram á sumar, að bógurinn var sundur á hestinum, var talið orðið fært vestur Skagfirðingaveg. Þar sem lónið er, mátti áður sjá 26 samhliða reiðgötur á kafla.Förum frá Áfanga austnorðaustur um Kúluheiði að núverandi Blönduvaðsflóa, þar sem Blönduvað er komið á kaf í Blöndulón. Handan flóans liggur leiðin norðan Blönduvatns, að Kjalvegi frá Svörtukvíslarskála til Galtarárskála á Eyvindarstaðaheiði. Þessi leið er ófær vegna Blöndulóns.

12,9 km
Húnavatnssýslur

Ekki fyrir hesta
Ekki fyrir göngufólk

Skálar:
Áfangi: N65 08.951 W19 43.744.

Nálægir ferlar: Haugakvísl.
Nálægar leiðir: Skagfirðingavegur, Áfangafell, Hanzkafell.

Skrásetjari: Jónas Kristjánsson
Heimild: Herforingjaráðskort

Frá Refshalaleið að Hallárdalsleið, þverleið um Bjarnarfellin tvö.

Byrjum á Refshalaleið frá Gauksstöðum á Skaga til Skagastrandar. Krossgöturnar eru austan Reyðartjarnar. Við förum til suðvesturs og síðan suðurs fyrir vestan eystra Bjarnarfell, um Þverárvötn í 320 metra hæð og suðsuðvestur brekkurnar vestan við Bæjarfell og Þverá. Þar komum við á Hallárdalsleið milli Bergsstaða í Skagafirði og Vindhælis í Húnaþingi.

13,9 km
Húnavatnssýslur

Nálægar leiðir: Refshali, Hallárdalur.

Skrásetjari: Jónas Kristjánsson
Heimild: Útivistarkort

Frá Bessastöðum vestan á Heggstaðanesi norður eftir nesinu til Bálkastaða.

Förum frá Bessastöðum norður eftir ströndinni til Bálkastaða.

6,2 km
Húnavatnssýslur

Jeppafært

Nálægar leiðir: Heggstaðir.

Skrásetjari: Jónas Kristjánsson
Heimild: Herforingjaráðskort

Frá Balaskarði í Laxárdal um Balaskarð á Vatnaaxlarleið í Skálahnjúksdal.

Ambáttardalur er votlendur og liggur slóðin vel sunnan árinnar. Þar sem mætast Balaskarð, Mjóidalur, Hvammshlíðardalur og Ambáttardalur er Gálgagil. Þar segir sagan, að níu þjófar hafi verið hengdir. Aðeins norðar á dalamótunum er eyðibýlið Höskuldsstaðasel.

Förum frá Balaskarði í Laxárdal austnorðaustur um Balaskarð, í 380 metra hæð sunnan við Sauðahnjúk. Förum norður með Sauðahnjúk að Ambáttardal. Sunnan Hvammshlíðarfjalls förum við norðaustur eftir Ambáttardal að mótum Laxár og Mörár í Skálahnjúksdal. Þar liggur Vatnaaxlarleið milli Gauksstaða á Skaga og Veðramóta í Skarðshreppi í Skagafirði.

9,7 km
Húnavatnssýslur

Nálægar leiðir: Laxárdalur, Kirkjuskarð, Vatnaöxl.

Skrásetjari: Jónas Kristjánsson
Heimild: Útivistarkort

Frá Torfalæk um Ása í Húnaþingi að Húnavöllum.

Torfalækur er forn þingstaður og gaf hreppnum nafn til skamms tíma.

Byrjum við þjóðveg 1 við Torfalæk í Ásum. Förum suðaustur að Torfalæk og suður að Skinnastaðatjörn. Síðan suðaustur um Hæli og vestan við Torfavatn. Þaðan suðsuðaustur að Þjóðvegi 724 við Húnavelli.

8,7 km
Húnavatnssýslur

Nálægir ferlar: Hópið.
Nálægar leiðir: Húnavað.

Skrásetjari: Jónas Kristjánsson
Heimild: Herforingjaráðskort

Tengileið milli fjallaskálans Höfðavers við Vestara-Friðmundarvatn og Þrístikluvatns á Auðkúluheiði.

Hluti tengileiða úr Húnaþingi suður á Kjalveg.

Förum frá Höfðaveri suðsuðaustur milli Friðmundarvatns og Eyjavatns, vestan Gíslaskálabungu og Mjóavatns. Síðan suðsuðaustur milli Olnbogabungu að vestan og Þrístikluvatns að austan, að vegamótum í Áfangaflá við Blöndulón.

11,9 km
Húnavatnssýslur

Skálar:
Höfðaver: N65 17.490 W19 53.208.

Nálægar leiðir: Öldumóða, Dalsbunga, Friðmundarvatn, Áfangafell, Forsæludalur.

Skrásetjari: Jónas Kristjánsson
Heimild: Útivistarkort

Frá norðvesturhorni Blöndulóns vestur fyrir Sauðafell suður á Kjalveg.

Hluti tengileiða úr Húnaþingi suður á Kjalveg.

Byrjum við þjóðveg 35 á vegamótum Áfangaleiðar og Stífluvegar við norðvesturhorn Blöndulóns. Förum til suðurs vestan við Blöndulón og Áfangafell að skálanum Áfanga sunnan undir fellinu. Síðan áfram til suðurs vestan við þjóðveginn F35 og vestan Sauðafells í 560 metra hæð. Fyrir sunnan fellið beygjum við til austurs inn á þjóðveg F35 norðvestan við Hanzkafell. Þaðan liggur svo leiðin suður á Kjalveg.

17,6 km
Húnavatnssýslur

Skálar:
Áfangi: N65 08.951 W19 43.744.

Nálægar leiðir: Friðmundarvatn, Áfangi, Stífluvegur, Blönduvað, Skagfirðingavegur, Hanzkafell.

Skrásetjari: Jónas Kristjánsson
Heimild: Útivistarkort