Íslendingar eru undarleg þjóð. Endurkusu enn einu sinni mesta stjórnmálabófa landsins sem forseta vorn. Aðdáanda Rússlands og Kína og höfund kenningar um eðlislæga yfirburði okkar í viðskiptum. Kvótagreifar skutu ræðupúlti undir gjaldþrota Seðlabankastjóra, hefnigjarnasta pólitíkus landsins. Þar frussar hann daglega eins og brennuvargur yfir brunaliði. Margir helztu gerendur hrunsins eru orðnir þáttastjórar á Ínn, vinsælli sjónvarpsstöð. Jóhannes í Bónus er byrjaður aftur. Gamlir bófar hafa ótakmarkaðan aðgang að bankafé til að blása nýjar blöðrur. Fjölmiðlarnir vitna enn í “greiningardeildir”.
