Ég er tæpast farinn að ná þessu enn. Sigmundur Davíð og aðstoðarmenn hans söfnuðu úrklippum af skrifum ritstjóra og blaðamanna. Kölluðu þá á teppið. Og þeir hlýddu jafnvel! Ég veit ekki, hvort er ömurlegra að skipa fyrir eða að hlýða. Þarna voru þeir nánast í röðum á biðstofunni, allt upp í útvarpsstjóra. Mættir til að hlusta á íslenzku útgáfuna af CIA og KGB. „Heyrðu, ef þú ferð ekki að halda þér á mottunni, látum við bara reka þig.“ Í bakgrunninum heyrist svo gargið í Vigdísi Hauksdóttir, er vill fá að sparka í allt og alla, sem ekki makka rétt. Þetta er fullkomlega galið lið pólitíkusa og handrukkara þeirra.
