Ekki vildi ég styðja fótboltafyrirtæki auðhringsins American Glazers. Ekki heldur auðrússans Alisher Usmanov. Né bandarísku auðjöfranna Tom Hicks og George Gillet. Enn síður auðrússans Roman Abramovits. Fyrirtækin heita í sömu röð Manchester United, Arsenal, Liverpool og Chelsea. Á Íslandi lifa menn í villtri fylgispekt við þessa auðmenn. Með trefla um háls og nærbuxur í lit, þótt jöfrarnir séu einfærir um að passa upp á sitt. Níu félög ensku úrvalsdeildarinnar eru í eigu erlendra auðjöfra og níu önnur að hluta. Hér ganga menn svo langt að safna fé til að borga glæpasektir McLaren Ltd.
