Silvia Night hefur aðeins verið nefnd einu sinni á dag á nafn í útlöndum undanfarna daga og þá sem aukalína í fréttum af öðru. Eini markverði miðillinn af þeim er Daily Telegraph í London, sem segir hana heimskulega. Enginn nefndi hana í gær. Fremjendur uppákomunnar í Aþenu hafa gert mikið úr athygli fjölmiðla, sem er alls engin. Það verður enginn frægur af að pruma eða hrækja á almannafæri, nema kannski í íslenzku sjónvarpi. Slíkt getur gengið í 70.000 lúða, sem eru aldir upp við slíkt í íslenzku sjónvarpi, en gengur alls ekki í útlöndum, allra sízt vestan hafs.
