Gott er að fá lesendapóst á jonas@hestur.is frá nafngreindu fólki. Ég jafna því ekki saman við nafnlausu fíflin, sem gera athugasemdir við fréttir. Í dag sá ég marga slíka húðskamma DV. Fyrir að segja sannleikann um samband forsetafrúarinnr við sjóð, sem verðlaunaði forsetann. Auðvitað er sjúkt, að ekki megi segja sannar fréttir af súkkulaðihúðuðum forsetahjónum. Ég hef hins vegar verið að skrifa langsóttan texta um matstaði í Lissabon. Og hef fengið skæðadrífu indælla bréfa frá fólki, sem vill vita meira um svo fjarstæðukennt efni. Það eru ekki bara geðsjúklingar í tölvupóstinum.
