Á TripAdvisor er skelfileg lýsing á hótelum á Íslandi, einnig utan borgar. Sögufrægt KEA á Akureyri fær þar á baukinn, herbergi sögð lítil og sóðaleg. Álitsgjafar TripAdvisor hafa líka slæma reynslu af Icelandair Flughotel í Keflavík. Fosshótel Laugar í Reykjavík er sagt vera verra en vítishola, gestirnir grétu sig í svefn. Fosshótel Húsavík er sagt vera þreytt. Hótel Látrabjarg í Örlygshöfn fær niðrandi ummæli fyrir okur og lélegan aðbúnað. Ferðamálaráð þarf að hafa frumkvæði í að koma slíkum upplýsingum áfram til viðkomandi aðila. Ófært er, að tugur hótela varpi skugga á landið allt.
