Einföld skýring er á misræmi gífurlegrar framleiðslu vöru og þjónustu annars vegar og hungurlauna láglaunafólks hins vegar. Hún heitir Hækkun Í Hafi. Varð fræg, þegar verð á súráli hækkaði um borð í skipum á leið yfir hafið. Þetta er einföld aðferð við að koma lunganum af arði útflutningsgreina undan bókhaldi. Fyrirtækin eiga systurfyrirtæki í skattaparadísum. Flytja vörur til útlanda og selja sjálfum sér á lágu verði. Láta síðan hækkunina koma fram á völdum stöðum erlendis, þar sem skattar eru engir. Þessi hækkun er framhjá bókhaldi og nemur hundrað milljörðum króna á ári í gjaldeyri. Hún veldur fátækt láglaunafólks.
