Frá Litlu kaffistofunni til Hveragerðis.
Um Kambana sagði Björn Pálsson, forstöðumaður Héraðsskjalasafnsins á Selfossi, að þar sé vegaminjasafn þjóðarinnar, sýnishorn af vegum og troðningum frá fyrstu dögum Íslandsbyggðar. Á Kolviðarhóli var byggt sæluhús árið 1844 og síðan gistihús fyrir ferðamenn. Árið 1938 keypti Íþróttafélag Reykjavíkur svo Kolviðarhól af Valgerði Þórðardóttur. Eftir það var þarna skíðaskáli fram yfir seinna stríð. Förum frá Litlu kaffistofunni eftir gamla þjóðveginum norður fyrir hraunið að Kolviðarhóli, þar sem áður var gistihús ferðamanna, en núna jarðvarmavirkjun.
Frá Kolviðarhóli förum við upp Hellisskarð/Yxnaskarð og síðan með Skarðsheiðarfjalli, þar sem heitir “Vegur milli hrauns og hlíða”. Við förum norður fyrir Litla-Skarðsmýrarfjall inn í Fremstadal og síðan suður með Hengladalaá og síðan áfram suður yfir þjóðveg 1 á gamlan bílveg að Kömbum. Förum niður Kamba og síðan aftur yfir þjóðveg 1 niður í Hveragerði að Garðyrkjuskólanum á Reykjum.
24,8 km
Árnessýsla
Skálar:
Þrymur: N64 02.780 W21 19.010.
Kútur: N64 02.712 W21 19.301.
Nálægar leiðir: Hellisheiði, Þrengsli, Lágaskarð, Ölkelduháls, Ölfusvatnsá, Hagavík, Trölladalur, Áftavatnsvað, Reykjadalur, Klóarvegur.
Skrásetjari: Jónas Kristjánsson
Heimild: Jónas Kristjánsson
