Gylfi Arnbjörnsson verkalýðsrekandi er hundfúll. Ríkisstjórnin samþykkir ekki í hvelli allar tillögur um stórvirkjanir og stóriðju. Hún notar ekki hundrað milljarða frá lífeyrisssjóðum í gæluverkefni verkalýðsrekenda, svo sem hátæknisjúkrahús og Vaðlaheiðargöng. Gylfi er veruleikafirrtur að venju. Við höfum fengið miklu meira en nóg af holskeflum af völdum tímabundinna stórverka. Þjóðfélagið þarf að jafna sig og passa upp á, að hræfuglar hirði ekki auðlindirnar. Mikilvægast fyrir ríkisstjórnina er að hætta að hlusta á leifar græðgishyggjunnar í forustu verkalýðsrekenda og atvinnurekenda.
