Dómarar okkar eru flestir andverðleikafólk, samanber Exeter. Embættismenn líka, samanber forstjóra nokkurra ríkisstofnana. Pólitíkusar eru flestir bófar eða bjánar, nema hvort tveggja sé. Viðskiptajöfrar eru bófar eða glæframenn, þar á meðal flestir kvótagreifar. Kjósendur geta ekki haldið uppi vestrænu lýðræði, samanber reynslu nokkurra síðustu kosninga. Saga lýðveldisins er samfelld harmsaga. Lýðveldið Ísland er ekki sjálfbært. Það eitt getur orðið okkur til bjargar að fá dómara og embættismenn, lög og reglur frá Evrópusambandinu. Skrifræði i staðinn fyrir fúsk og gerræði.
