Ríkisstjórnin er í hættu vegna frekju og yfirgangs Jóhönnu Sigurðardóttur forsætis. Gerir meiri kröfur til samstarfsflokksins en hann getur staðið við. Hún þvingaði aðildarumsókn að Evrópu upp á hann gegn eindregnum vilja hans. Nú reynir hún að þvinga IceSave samkomulagi upp á hann, en tekst það ekki. Stór minnihluti þingflokks vinstri grænna neitar að gefa stjórninni opið umboð til að leysa hnútinn. Brottför Ögmundar Jónassonar úr stjórninni var að kröfu Jóhönnu, sem kann sér ekki hóf, gerði illt verra. Hún heimtaði samstillta ríkisstjórn, er hana vantaði raunar samstilltan þingmeirihluta.
