Skrítinn er skyndilegur æsingur ríkisstjórnarinnar vegna kaupa Magma Energy á auðlindum á Reykjanesskaga. Málið hafði aðdraganda í ár. Láðist Katrínu Júlíusdóttur orkuráðherra að fylgjast með? Eða vildi hún ekki fylgjast með? Kannski er hún bara enn sami hrunverjinn og hún var fyrir stjórnarskiptin. Kannski vill hún bara selja auðlindir fyrir slikk. Katrín er af augljósum ástæðum ekki gefin fyrir að koma fram. Hún hafði ekki látið ná í sig út af málinu, þegar þessi klausa var skrifuð. Einhver sá um, að ríkisstjórnin virðist bjargarlaus gegn blindum áhuga sveitarfélaga á framkvæmdum í héraði.
