Ef þú átt nóga peninga, geturðu alltaf keypt rugl frá Háskóla Íslands. Nú hefur Kaupþing keypt skýrslu frá Viðari Má Matthíassyni lagaprófessor. Hann segir í lagi að gefa eftir fimmtíu milljarða, sem bankinn gaf gráðugustu starfsmönnum bankans. Með stuðningi bankaráðsins. Og kveðju frá fyrirbæri, sem einu sinni hét Verzlunarmannafélag Reykjavíkur. Pantaðar skýrslur af þessu tagi eru ekki pappírsins virði. Enda hefur Kaupþing legið á þessari skýrslu síðan í nóvember. Eftirgjöfin á svo að koma til framkvæmda um næstu mánaðamót. Sofandi ríkisstjórn hefur enn tækifæri til að stöðva svindlið.
