Landbúnaðarráðuneytið berst gegn því, að bændur verði frjálsir. Vill, að öll búvara fari um vélar vinnslustöðva. Berst gegn stefnunni “Beint frá bónda”. Ég vil geta selt Kaldbaks-rjúpur og Kaldbaks-gæsir, Kaldbaks-bleikju og Kaldbaks-landa með bláberjum. Geta selt Kaldbaks-ís og Kaldbaks-jógúrt, Kaldbaks-jarðarber og Kaldbaks-hjónasælu, Kaldbaks-hangikjöt og Kaldbaks-svið. Auðvitað allt lífrænt vottuð vara. Þá á ég ekki við gervi-vistvænt vottaða. Ráðuneytið vill, að bændur séu þrælar einokunar afurðastöðva. Vill ekki aðlagast Evrópusambandinu, því að aðild mundi frelsa íslenzka bændur.
