Landsbankinn ögrar þjóðinni í sífellu. Afskrifar hálfan milljarð króna hjá skilanefndarmanni. Heimir V. Haraldsson skilanefndarmaður hefur milljónir króna í sjálftöku á mánuði í laun. Jafnframt setur bankinn íbúð sjúklings með hvítblæði á uppboð vegna erfiðleika í skilum. Landsbankinn var og er ófreskja. Hann gerir meiri mun en nokkur annar á valdastétt og aumingjum landsins. Skrítið, að þjóðin skuli ekki gera uppreisn gegn þessu helsjúka gengi. Gylfi Magnússon lét þetta óáreitt meðan hann var ráðherra. Árni Páll Árnason mun alls ekki hreyfa við því. Beztu vinir hans eru bankaglæframenn.
