Eindreginn stuðningur yfirmanna við ofbeldislöggur æsir þær til frekari átaka. Hann magnast í Fréttablaðinu og ríkissjónvarpinu með kranaviðtölum við yfirmennina. Ofbeldislöggur munu því leita fleiri tækifæra til að snapa fæting við fólkið í landinu. Þær munu úða pipar í fleiri tilvikum. Kröfur um morðvopn á borð við rafbyssur munu magnast um allan helming. Löggæzlan mun breytast í átt til fasistaflokks, sem verður ríki í ríkinu. Takið því símamyndskeið af öllu lögguofbeldi, myndið með tveimur símum úr mismunandi áttum, myndið allt ferlið og setjið á YouTube. Löggan mun tapa því stríði.
