Allur fiskur er djúpsteiktur á Fish & Chip í Tryggvagötu. Hæfilega eldaður upp úr nýrri repjuolíu. Á venjulegum steikarbúlum svífur fýlan út á götu, en ekki hér. Samt hélt ég út í aðeins eitt skipti. Seinni ganginn fláði ég steikarhjúpinn af fiskinum. Djúpsteiktar kartöflur voru vondar. Betra er að panta ágætis hráasalat með miklu klettasalati. Dagssúpan slær fiskinn út, án hveitis, hnausþykk grænmetissúpa, með gulrótarbrauði og hummus. Postulín og stál er notað, þangað til kemur að skyri í eftirrétt. Það er borið fram í MS-dollu úr búð, með plastskeið. Súpa og fiskur kostar 2.280 krónur.
