Björt framtíð staðfestir hvað eftir annað skilgreiningu mína. Hefur aðeins þá stefnu að komast til valda. Framlag hennar til samstarfs er, að öll dýrin í skóginum skuli vera vinir. Engu skiptir, við hverja hún semur, hún telur sig geta siðað pólitíska bófaflokka. Er allir hafa gefizt upp á Framsókn, verður mannasættirinn Guðmundur Steingrímsson forsætis. Ýmsir hægri kjósendur geta ekki lengur þolað dólgshátt fulltrúa sinna, en vilja ekki raska tilverunni. Færa sig á sáttfúsan flokk, ekki yfir miðjuna. Björt framtíð mun leysa úldna Framsókn af í spilltum helmingaskiptum Sjálfstæðisflokksins. Arðránið heldur áfram.
