Ellefu listar eru í boði í öllum kjördæmum og fjórir að auki sums staðar. Áhugaverðari framboð en fjórflokkurinn, sem hefur sýnt og sannað, að hann hefur gengið sér til húðar. Þjónar ekki þjóðfélagi nútímans. Tveir stærstu flokkarnir ganga beinlínis erinda þröngra sérhagsmuna kvótagreifa og annarra auðgreifa. Nýju stjórnmálaflokkarnir endurspegla hugsanir samfélags dagsins miklu betur en þeir gömlu. Því miður hefur flestum nýflokkum gengið illa að tosa fylgið í könnunum upp í markverðar tölur. Síðasti séns til þess verður í könnunum eftir þessa helgi. Margir bíða því spenntir eftir næstu tölum.
