Þriðja heims og þriðja flokks ríkið Ísland á ekkert erindi í öryggisráð Sameinuðu þjóðanna. Ísland er pólitískt leppríki Bandaríkjanna og hefur engan sjálfstæðan vilja í helztu öryggismálum heimsins. Út í hött er, að friðsamleg Norðurlönd eða friðsamt Evrópusamband styðji til valda ríki, sem fagnaði aðgerðunum, sem mest hafa grafið undan Sameinuðu þjóðunum og lögum og rétti í heiminum. Svo virðist sem ráðamenn á meginlandi Evrópu hafi ekki enn áttað sig á, að Ísland Davíðs Oddssonar og Halldórs Ásgrímssonar deilir ekki skoðunum meginlandsins á öryggi heimsins.
