Jónas frá Hriflu fór til útlanda í skóla, en tók engin próf. Ekki ómerkari pólitíkus fyrir að vera próflaus. Enda flaggaði hann aldrei námi sínu, taldi sig bara vera að auka lífsreynsluna. Sigmundur Davíð fer öðru vísi að. Ótal sinnum hefur hann stært sig af námi erlendis, þótt hann hafi aldrei tekið þar nein próf, ekki kennarapróf, ekki meistarapróf, ekki doktorspróf. Hefur sveipað sig ýmsum titlum, sem hann hefur ekki rétt til að bera. Segist hafa verið í undirbúningi doktorsnáms án þess að hafa um það tilskilin vottorð. Öfugt við Jónas frá Hriflu vill Sigmundur Davíð sýnast meiri en hann er.
