Kannanir sýna tilfærslu fylgis frá Borgarahreyfingu til Sjálfstæðisflokks. Raunar eina breytingin frá kosningunum. Sýnir pólitískt fyrirbæri, sem er hliðstætt bandarísku fyrirbæri. Það er reiða hægrið. Venjulega er það reitt út í ríkisvaldið, hatar báknið. Í vor yfirgaf það Sjálfstæðisflokkinn, sem hafði þanið út ríkið og stýrt því út í bankahrun. Núna telur reiða hægrið sig ekki lengur eiga samleið með Borgarahreyfingunni. Hefur í staðinn tekið trú á firruna, að bankahrunið sé núverandi ríkisstjórn að kenna. Hefur aftur rambað í faðm Flokksins, sem er farinn að hata báknið, sem hann bjó til.
