Forstjóri ríkisútvarps Sjálfstæðisflokksins hefur fyllt turninn við Efstaleiti af óvinnufærum silkihúfum á framfæri Flokksins. Þeir eru eins konar gíslar, sem koma í veg fyrir, að flokkurinn selji stofnunina. Á heilsubótargöngum um hinar ýmsu hæðir stofnunarinnar hittir útvarpsstjórinn stundum silkihúfurnar. Þá man hann eftir, að innan stofnunarinnar getur hann ekki uppfyllt óskir yfirboðara sinna um að manna útvarpsþætti fyrir róttæka hægri menn. Yfirboðararnir vilja, að hægri slagsíðan sé ekki bara í sjónvarpinu. Harma sína rekur útvarpsstjóri Sjálfstæðisflokksins í tölvupósti, sem menn hafa skemmt sér við að leka til almennings.
